काँग्रेसचे उमेदवार लहु शेवाळें यांची इब्राहिम पटेल यांच्या कार्यालयावर सदीच्छा भेट

छत्रपती संभाजीनगर(औरंगाबाद), दि.7(डि-24 न्यूज) औरंगाबाद पूर्वचे काँग्रेसचे अधिकृत उमेदवार लहु एच शेवाळे यांनी आज काँग्रेसचे शहागंज ब्लॉक अध्यक्ष तथा माजी नगरसेवक इब्राहिम पटेल यांचे किराडपुरा येथील संपर्क कार्यालयात सदीच्छा भेट दिली. यावेळी इब्राहिम पटेल व काँग्रेसच्या कार्यकर्त्यांच्या वतीने त्यांचे स्वागत केले. याप्रसंगी महाविकास आघाडीचे उमेदवार लहु शेवाळें यांना मोठ्या मताधिक्याने निवडून आणण्यासाठी कार्यकर्ते प्रचारात मेहनत घेतील. लवकरच त्यांच्या प्रचारासाठी किराडपूरा येथे जाहिर सभेचे आयोजन केले जाईल असे पटेल यांनी सांगितले.

यावेळी काँग्रेसचे प्रवक्ते डॉ.पवन डोंगरे, श्रीराम इंगळे, शफी मौलाना, इस्माईल पटेल, जाकेर भाई, शाहनवाज अन्सारी, शेख आरेफ, शेख आसेफ, शाकेर पटेल, सदफ पटेल आदी उपस्थित होते.