अल्पसंख्यांक लोकशाही मार्गाने लढत राहिल - भाकपच्या निदर्शनात निर्धार

अल्पसंख्यांक लोकशाही मार्गाने लढत राहील - भाकपच्या निदर्शनात निर्धार 

खुल्दाबाद, दि.26(डि-24 न्यूज) -

दलित, मुस्लिम, ख्रिश्चन , आदिवासी इत्यादी अल्पसंख्याकांवर वाढत्या हल्ल्यां विरोधात भारतीय कम्युनिस्ट पक्षातर्फे खुल्दाबाद येथील डॉ. बाबासाहेब आंबेडकर चौकात निदर्शने करण्यात आली. अल्पसंख्यांक लोकशाही मार्गाने हुकूमशाही विरोधात लढत राहील असा निर्धार भाकप तर्फे आयोजित निदर्शनात करण्यात आला. भर पावसात हि निदर्शने झाली.

याबाबत असे की, बेटावड, जामनेर येथील सुलेमान खान वय 21 वर्षे याच्या खुनाचा तपास हा उच्च न्यायालयाच्या निरीक्षणात झाला पाहिजे अशी मागणी निदर्शनाद्वारे भारतीय कम्युनिस्ट पक्षाने केली आहे. यावेळी उपस्थित अल्पसंख्यांकांनी देशातील एकात्मतेसाठी , शांततेसाठी संवैधानिक लढा सुरू ठेवण्याचा निर्धार व्यक्त केला.

भाजपा आरएसएसने केल्या अनेक वर्षांपासून काही बहुजन हिंदूंच्या डोक्यात मुस्लिम ख्रिश्चन आणि दलितांबद्दल द्वेष निर्माण करून त्यांच्यावर हल्ले होतील अशी परिस्थिती निर्माण केली आहे. दाढी टोपी बघून हल्ले करणे, शिक्षण घेत असणाऱ्या मुस्लिम दलित, ख्रिश्चनांना मारहाण करणे मॉब लिंचिंग करून त्यांचा खून करणे, मस्जिद , विहार आणि चर्चवर हल्ले करणे असे प्रकार वाढले आहेत. हल्ले करणारे सर्वसामान्य घरातले असतात आणि हल्ले करायला लावणाऱ्यांची मुले परदेशात शिक्षण घेतात, अशी परिस्थिती आहे. याबाबत जनजागृती करण्यासाठी भाकपाने आज डॉ. बाबासाहेब आंबेडकर चौक खुल्दाबाद येथे निदर्शने केली. यावेळी अल्पसंख्याकांवरील हल्ले बंद करा, सुलेमान खानला न्याय मिळालाच पाहिजे, मंदिर मशिदी, विहारे यावर हल्ले करणे बंद करा, बौद्धगया पुन्हा बौद्धांच्या ताब्यात द्या, दाढी टोपी बघून हल्ले करणाऱ्यांवर कारवाई करा, अल्पसंख्याकांना संरक्षण द्या, आरएसएस भाजपाच्या पुढार्‍यांची मुले परदेशात शिकायला आणि बहुजनांची मुले मारामारी करायला गुन्हे अंगावर घेऊन करिअर बरबाद करून घ्यायला... ये नही चलेगा अशा घोषणांनी परिसर दणाणून गेला. यावेळी अँड . अभय टाकसाळ, जुबेर शेख, वसीम खान सिकंदर खान, फिरोज खान पैलवान , शेख मेहबूब, अमजद खान, शेख अमजद, एजाज शेख, 

रेहान शाह, शेख जमीर, शेख रहमान पटेल, शेख बहुद्दीन, सलमान पठाण, शेख जुबेर, हड्डू रहेमान, शेख मेहबूब, रेहमान सय्यद, रियाज शेख, आसिफ शाह, फिरोज शेख, सय्यद असिफ, सलमान शाह, साहिल बेग, मोहम्मद अमान, शेख निसार, इमरान पटेल, शेख वसीम, शेख मोहसीन, मिर्झा फरदीन, जावेद खान, अजमत पठाण, शेख अकबर ,मुद्दसीब शाह, जावेद खान यांच्यासह मोठ्या संख्येने नागरिक सहभागी झाले होते.