औरंगाबाद पदवीधर मतदारसंघ निवडणुकीसाठी शेवटच्या दिवशी मतदार नोंदणीसाठी गर्दी...

औरंगाबाद विभाग पदवीधर विधानपरिषद मतदार संघांच्या नव्याने तयार करण्यात येत असलेल्या मतदार यादीच्या संदर्भात महत्वाचा खुलासा

छत्रपती संभाजीनगर (औरंगाबाद),दि.6(डि-24 न्यूज)- भारत निवडणूक आयोगाच्या निर्देशानुसार औरंगाबाद विभाग पदवीधर विधान परिषद मतदार संघाची मतदार यादी नव्याने तयार करण्याचा कार्यक्रम सुरु आहे. मतदार नोंदणी ही निरंतर चालणारी प्रक्रिया असुन दि.6 नोव्हेंबर 2025 रोजी पर्यंत प्राप्त झालेल्या मतदारांची प्रारुप मतदार यादी दि.25 नोव्हेंबर 2025 रोजी प्रसिध्द करण्यात येत आहे. तसेच प्रारुप यादीबाबत दावे व हरकती सादर करण्यास संधी देवून त्यावर निर्णय घेवून दि.30 डिसेंबर 2025 रोजी अंतिम मतदार यादी प्रसिध्द करण्यात येणार आहे. 

विधानपरिषदेच्या सदर जागा डिसेंबर 2026 मध्ये रिक्त होणार आहेत. लोकप्रतिनिधीत्व अधिनियम, 1950 मधील तरतूदीनुसार मतदार यादयामध्ये संबंधित निवडणूकांकरीता नामनिर्देशन पत्र दाखल करण्याच्या अंतिम दिनांकापर्यंत सुधारणा, नव्याने समावेशन किंवा वगळणी करता येते. सबब उपरोक्त नमूद पदवीधर विधानपरिषद मतदार संघाच्या मतदार याद्या दि.30 डिसेंबर 2025 रोजी प्रसिद्ध करण्यात आल्यानंतरही त्या याद्यामध्ये ऑफलाईन तसेच ऑनलाईन पद्धतीने नव्याने नाव समाविष्ट करण्याची संधी पात्र मतदारांना संबंधित निवडणूकांच्या नामनिर्देशन पत्र दाखल करण्याच्या अंतिम दिनांकापर्यंत उपलब्ध असणार आहे, असे 5-औरंगाबाद विभाग पदवीधर मतदारसंघाच्या सहायक मतदार नोंदणी अधिकारी मंजूषा मिसकर यांनी प्रसिद्धी पत्रकानव्ये कळविले आहे.