काँग्रेसने राकेश किशोरचा पुतळा जाळून केला घटनेचा निषेध करत गृहमंत्र्यांच्या राजीनाम्याची मागणी...

सरन्यायाधीशांवरील हल्ल्याच्या निषेधार्थ जोडे मारो आंदोलन; अमित शहा यांच्या राजीनाम्याची मागणी...

छत्रपती संभाजीनगर (औरंगाबाद), दि.7(डि-24 न्यूज)-महाराष्ट्र प्रदेश काँग्रेस कमिटीचे अध्यक्ष हर्षवर्धन सपकाळ यांच्या निर्देशानुसार शहर व जिल्हा काँग्रेस कमिटीच्या वतीने काल सरन्यायाधीश यांच्यावर झालेल्या हल्ल्याच्या घटनेचा तीव्र निषेध करत आज पक्ष कार्यालय गांधी भवन शहागंज येथे माथेफिरू राकेश किशोरच्या प्रतिमेवर ‘जोडे मारो आंदोलन’ करण्यात आले. खा.डॉ. कल्याण काळे, जिल्हाध्यक्ष किरण पाटील डोणगावकर, शहर जिल्हाध्यक्ष शेख युसूफ यांच्या नेतृत्वाखाली झालेल्या या जोरदार जोडो मारो आंदोलनामध्ये गृहमंत्री अमित शहा यांच्या राजीनाम्याची मागणी करण्यात आली. यावेळी जोडे मारो आंदोलन करून राकेश किशोर याची प्रतिमा जाळण्यात आली.

घटनेला लोकशाहीवर झालेला हल्ला असे संबोधत, दोषींवर कठोर कारवाई करण्याची मागणी केली. यावेळी जोरदार घोषणाबाजी करण्यात आली. देशातील न्यायव्यवस्थेवर होणारे अशा प्रकारचे हल्ले असह्य आहेत आणि यामागील जबाबदार घटकांवर तत्काळ कारवाई होणे आवश्यक आहे. 

ही केवळ धोक्याची घंटा नाही, तर संविधान, सामाजिक न्याय आणि समानतेवर थेट प्रहार आहे. उच्चवर्णीय मानसिकतेचे विष अजूनही या देशाच्या नसानसांत वाहतेय. जे संविधानाचे रक्षण करतात, जे अन्यायाविरुद्ध उभे राहतात. त्यांच्यावरच हल्ले होत आहेत. 

भारतरत्न डॉ. बाबासाहेब आंबेडकर आणि भारतीय संविधान याबद्दल विष पेरणाऱ्यांची मानसिकता देशासाठी व लोकशाहीसाठी घातक आहे. ज्यांनी देशाला दिशा दिली, त्यांच्याच विरोधात द्वेष पेरला जातोय. बाबासाहेबांनी भारताला दिलेले हे संविधान नसेल तर या लोकशाहीचे अस्तित्वच संपेल, हे विसरून चालणार नाही. कायदा व सुव्यवस्थेचा प्रश्न निर्माण झाल्यामुळे गृहमंत्री यांनी नैतिक जबाबदारी स्वीकारून राजीनामा द्यावा अशी मागणी करण्यात आली. 

हल्लेखोर हा राकेश किशोर नाही तर राक्षस किशोर आहे, असे शहर जिल्हाध्यक्ष शेख युसूफ म्हणाले.

यावेळी खा.डॉ. कल्याण काळे, जिल्हाध्यक्ष किरण पाटील डोणगावकर, शहर जिल्हाध्यक्ष शेख युसूफ, प्रदेश प्रवक्ते हनुमंत पवार, डॉ. जफर अहमद खान, मा.आ. नामदेव पवार, मोहन देशमुख, सय्यद अक्रम, भाऊसाहेब जगताप, डॉ. निलेश आंबेवाडीकर, जयप्रकाश नन्नावरे, सूर्यकांत गरड, अनिस पटेल, अतिश पितळे, भास्कर घायवट, मोईन इनामदार, योगेश थोरात,शेख अथर, लतीफ पटेल, मुदस्सर अन्सारी, हेमाताई पाटील, अनिता भंडारी, चंद्रप्रभा खंदारे, नीता भालेराव, उषाताई खंडागळे, जोसेफ फर्नांडिस, अरुण शिरसाट, अस्मत खान, शेख कैसर बाबा, रमेश काळे, सय्यद फैयाजुद्दीन, प्रमोद सदाशवे, शेख जाफर, शाहिद खान, जसबीरसिंग सोदी, सय्यद शाहेबाज कादरी, हरप्रीतसिंग मुछाल, नजीर फारुकी, नदीम शेख, सय्यद फराज व संघटन महासचिव इंजि. विशाल बन्सवाल यांच्यासह काँग्रेस पक्षाचे पदाधिकारी, कार्यकर्ते व मोठ्या प्रमाणावर उपस्थित होते.