कृषी अधीक्षक कार्यालयातील लेखाधिकारी एसिबीच्या जाळ्यात

कृषी अधीक्षक कार्यालयातील लेखाधिकारी एसिबीच्या जाळ्यात

औरंगाबाद, दि.27(डि-24 न्यूज) कृषी अधीक्षक कार्यालयातील लेखाधिकारी महेश भालचंद्र चौधरी, वय 50, राहणार गादीया विहार, औरंगाबाद यास लाच घेताना एसिबीच्या पथकाने रंगेहाथ पकडले. तक्रारदाराकडे चार हजारांची लाचेची मागणी केली होती.

यातील तक्रारदार ओम इंटरप्राईजेस भोकरदन येथे संगणक व देखभाल दुरुस्ती चे काम करत असून त्यांनी जिल्हा कृषी अधीक्षक कार्यालयातील संगणक दुरुस्ती, नविन अँटीव्हायरस टाकने, प्रिंटर दुरुस्ती, याप्रमाणे इतर संगणकाचे केलेल्या कामाचे 65,156 रुपयांचे बिल मंजूर करण्यासाठी व ट्रेझरी मध्ये दाखल करण्यासाठी पंच साक्षीदार समक्ष चार हजार रुपये रकमेची लाचेची मागणी करुन स्विकारल व त्यास ताब्यात घेतले.

त्याचे विरोधात उस्मानपुरा पोलिस ठाण्यात गुन्हा दाखल करण्यात आला.

पोलिस अधीक्षक संदीप आटोळे, पोलिस उप अधीक्षक राजीव तळेकर यांच्या मार्गदर्शनाखाली सापळा अधिकारी पोलिस उप अधीक्षक संगीता एस.पाटील, पोह तोडकर, पाठक, पोअ विलास चव्हाण, चालक ठाकूर यांनी हि कार्यवाही केली आहे.