जटवाडा रोडवरील अतिक्रमण काढले, उघड्यावर मांस विक्री करणा-यांवर दंडात्मक कारवाई

जटवाडा रोड वर अतिक्रमण कारवाई

उघड्यावर मांस विक्री करणाऱ्या 3 दुकानदार यांच्यावर दंडात्मक कारवाई

छत्रपती संभाजीनगर(औरंगाबाद), दि.12(डि-24 न्यूज) महानगरपालिकेच्या अतिक्रमण विभागाच्या वतीने जटवाडा रोड वरील अतिक्रमणे काढण्यात येऊन रस्ता मोकळा करण्यात आला आहे.

   झोन क्रं 4 अंतर्गत जटवाडा ते होनाजी नगर रोडचे काम सुरू असून या ठिकाणी हातगाड्या व इतर अतिक्रमणे बऱ्याच प्रमाणावर असल्याने या ठिकाणी अडथळा निर्माण होत होता. याबाबत नुकतेच या ठिकाणी पाहणी केली होती. या रस्ता कामात कोणताही अडथळा निर्माण होऊ नये या करिता आयुक्त तथा प्रशासक जी श्रीकांत यांच्या निर्देशानुसार व अतिरिक्त आयुक्त तथा अतिक्रमण विभाग प्रमुख संतोष वाहुळे, उप आयुक्त सविता सोनवणे यांच्या मार्गदर्शनाखाली आज जटवाडा रोड वरील हातगाड्या व इतर अतिक्रमणे काढण्यात आली.

तसेच या ठिकाणी उघड्यावर मांस विक्री करणाऱ्या 3 दुकानदार यांच्यावर दंडात्मक कारवाई करून दुकाने निष्कासित करण्यात आली.

या कारवाई दरम्यान 5 हातगाड्या, 5 लोखंडी बाकडे,लोखंडी टेबल, काउंटर आदी सामान जप्त करण्यात आले आहे.

   सदर कारवाई वार्ड अधिकारी अशोक गिरी, इमारत निरीक्षक अश्विनी कोथळकर, अशोक कदम ,नागरी मित्र पथक प्रमुख प्रमोद जाधव,पशु संवर्धन विभागाचे लक्ष्मण फुले व अतिक्रमण व नागरी मित्र पथकाचे कर्मचारी यांनी पार

पाडली.