भव्य रक्तदान शिबिरात 1018 युनिट रक्त संकलित, महाराष्ट्र युथ मूवमेंटचा उपक्रम

महाराष्ट्र यूथ मूवमेंटने रक्तदान शिबिरांत 1018 युनिट रक्त संकलित...

छत्रपती संभाजिनगर(औरंगाबाद), दि.18(डि-24 न्यूज) 

प्रेषित मोहम्मद पैगंबर (स.अ.व.स.) यांच्या जन्म महिन्याच्या सन्मानार्थ महाराष्ट्र यूथ मूवमेंटने राज्यभरात सुरू असलेल्या रक्तदान शिबिरांच्या मालिकेत शहरात एक दिवसात 1018 युनिट रक्त यशस्वीरित्या संकलित केले आहे. 16 सप्टेंबर रोजी जमात-ए-इस्लामी, कार्यालय, यूनुस कॉलोनी, लाल मस्जिद, लाल मस्जिद टाउन हॉल, ज़म ज़म हॉल सिल्क मिल्स कॉलोनी, गायत्री कॉम्प्लेक्स चिकलठाना , कोहिनूर लॉन रोजा बाग, बागवान हॉल पैठण गेट या ठिकाणी स्थानिक शिबिरे आयोजित करण्यात आली होती. शिबिरांमध्ये विविध धार्मिक, सामाजिक आणि राजकीय नेत्यांनी सहभाग घेतला. जिल्हाध्यक्ष सलमान सिद्दीकी, शहर अध्यक्ष सलमान वायके, उमर, फैजान काझी, खालिद उमर, शेख मुश्ताक, आसिफ जोहरी, इम्रान खान, अज़हर खान, सैयद कलीम, आमिर फैसल, काशिफ, मुसद्दिक आणि यूथ मूवमेंटच्या सर्व सदस्यांनी लक्ष्य साध्य करण्यासाठी खूप मेहनत घेतली. या उपक्रमाचा उद्देश गरीब आणि गरजू रुग्णांसाठी रक्ताची उपलब्धता सुनिश्चित करणे हा आहे. महाराष्ट्र यूथ मूवमेंट सर्व रक्त दात्यांचे आभार मानले आणि समुदायाकडून सतत पाठिंबा मिळेल अशी अपेक्षा करते.