शहरात उद्यापासून बंगाली असोसिएशनतर्फे दुर्गापूजा...

शहरात उद्यापासून बंगाली असोसिएशनतर्फे दुर्गापूजा उत्सव

पालकमंत्री संजय शिरसाट यांच्या हस्ते कार्यक्रमांना सुरुवात होणार...

छत्रपती संभाजीनगर (औरंगाबाद), दि.27(डि-24 न्यूज)- बंगाली असोसिएशनतर्फे रविवार, दिनांक 28 सप्टेंबर ते गुरुवार 2 ऑक्टोबर दरम्यान सागर लॉन येथे श्री दुर्गा पूजेला मोठ्या उत्साहात व आनंदात साजरे करण्यात येणार आहे. या उत्सवाच्या निमित्ताने उपाध्यक्ष व दुर्गा पूजा समितीचे चेअरमन ए. के. सेनगुप्ता यांच्या मार्गदर्शनाखाली 5 दिवस विविध कार्यक्रमांचे आयोजन करण्यात आले आहे. अशी माहिती बंगाली असोसिएशनचे सचिव प्रबिणकुमार घोष यांनी पत्रकार परिषदेत दिली.

या कार्यक्रमाचा उद्या शुभारंभ पालकमंत्री संजय शिरसाट, इतर मागास विकास व दुग्धविकास मंत्री अतुल सावे व खासदार डॉ. भागवत कराड यांच्या हस्ते करण्यात येणार आहे.

रविवार, 28 सप्टेंबर रोजी महाषष्ठी,

सोमवार, 29 सप्टेंबर रोजी महासप्तमी, मंगळवार 30 सप्टेंबर रोजी महाअष्टमी

बुधवार, 1 ऑक्टोबर रोजी महा नवमी, गुरुवार, 2 ऑक्टोबर रोजी महादशमी (दशहरा – विजयादशमी) साजरी करण्यात येईल.

घोष यांनी सांगितले की, 30 सप्टेंबर रोजी महाअष्टमीच्या दिवशी दुपारी 1.05 वाजता संधिपूजा होणार असून या वेळी 108 दिवे प्रज्वलित करून व 108 फुले अर्पण करून माता दुर्गेची पूजा केली जाईल.

सांस्कृतिक कार्यक्रमांच्या अंतर्गत अनेक उपक्रमांचे आयोजन करण्यात आले आहे. महाअष्टमीच्या दिवशी संध्याकाळी धुनुची नृत्य स्पर्धा होणार आहे. तसेच 2 ऑक्टोबर रोजी महादशमी उत्सव साजरा करण्यात येईल. आज दुर्गापूजा निमित्ताने व्यासपीठावर सजावट करण्यात आली. याप्रसंगी प्रितिश चटर्जी, रतन कुमार भौवमी, देव कुमार जाना, कल्याण भट्टाचार्य, सुमन घोष आदी उपस्थित होते.