खाद्यतेलावर चुकीच्या लेबलिंगचा संशय, अरुल ट्रेड वर्ड वर एफडिएची मोठी कारवाई...!

संशयित भेसळ व चुकीच्या लेबलिंगचा संशय; वैजापूर येथील ‘अरुल ट्रेड वर्ल्ड’वर FDA ची मोठी कारवाई

छत्रपती संभाजीनगर, वैजापूर, दि.5(डि-24 न्यूज) -

अन्न व औषध प्रशासन (FDA), छत्रपती संभाजीनगर यांच्याकडून अन्न सुरक्षा मोहिमेंतर्गत गुरुवारी (दि. 4 जून) वैजापूर तालुक्यातील गंगापूर रोड परिसरात मोठी कारवाई करण्यात आली. संशयित भेसळ व चुकीच्या ब्रँडिंगच्या आरोपावरून खाद्यतेलाचा मोठा साठा जप्त करण्यात आला आहे.

‘अरुल ट्रेड वर्ल्ड’वर छापा

ही कारवाई वैजापूर तालुक्यातील गंगापूर रोड येथील एम/एस अरुल ट्रेड वर्ल्ड या आस्थापनेवर करण्यात आली. येथे ‘श्री गोल्ड’ या ब्रँडचे रिफाइंड सोयाबीन तेल संशयास्पद स्वरूपात साठवलेले असल्याचे तपासणीदरम्यान आढळून आले.

479.4 किलो तेल जप्त; किंमत ₹1.13 लाखांहून अधिक

FDA पथकाने एकूण 479.4 किलो रिफाइंड सोयाबीन तेल जप्त केले असून त्याची अंदाजित किंमत ₹1,13,397 इतकी आहे. संबंधित माल संशयित भेसळयुक्त तसेच चुकीच्या लेबलिंगचा (adulterated & misbranded) असल्याचा प्राथमिक संशय व्यक्त करण्यात आला आहे.

व्यवसायिकाची माहिती

या प्रकरणात श्री. अतुल परसमल बोथरा (वय 36 वर्षे), (प्रोप्रायटर) यांचे नाव समोर आले आहे.

FDA पथकाची कारवाई

ही कारवाई अन्न सुरक्षा अधिकारी श्रीमती पी. पी. सुरसे यांच्या नेतृत्वाखाली पार पडली.

या संपूर्ण मोहिमेसाठी अन्न व औषध प्रशासनाचे सहायक आयुक्त श्री. डी. व्ही. पाटील यांच्या मार्गदर्शनाखाली तसेच सहआयुक्त श्री. एस. आर. करकाळे यांच्या निर्देशानुसार कारवाई करण्यात आली.

पुढील तपास सुरू

जप्त केलेल्या तेलाचे नमुने प्रयोगशाळेत तपासणीसाठी पाठविण्यात आले असून अहवालानंतर पुढील कायदेशीर कारवाई निश्चित केली जाणार असल्याचे FDA कडून सांगण्यात आले आहे.