AIMIM ची टीम ब-हानपूरच्या निवडणूक प्रचारात, प्रचारात उत्साह, मतदारांचा प्रतिसाद

AIMIM ची टीम ब-हानपूरच्या निवडणूक प्रचारात

औरंगाबाद, दि.12(डि-24 न्यूज) औरंगाबाद येथील AIMIM चे नेते मध्य प्रदेश विधानसभा निवडणुकीत पूर्ण ताकतीने प्रचारात उतरले आहेत. ब-हानपूर विधानसभा मतदारसंघातून एम आय एम ने काँग्रेसचे माजी नगरसेवक नफीस मन्शा खान यांना मैदानात उतरवले आहे. मुस्लिम बहुल मतदार संघात काँग्रेसने मुस्लिम उमेदवार दिला नसल्याने येथील मतदारांमध्ये नाराजी असल्याने एमआयएमला येथे समर्थन मिळत आहे.

आज दिपावलीच्या दिवशीही प्रचार सुरू होता. औरंगाबादची टीम गली मोहल्ल्यात मतदारांच्या गाठीभेटी घेत आहे. डोअर टू डोअर प्रचार केला जात आहे. स्थानिक नेत्यांसोबत प्रचार सभांना गर्दी होत आहे. स्थानिक नागरिकांसोबत संवाद साधत समस्या जाणून घेतल्या जात आहे. हमीद पुरा, आझाद नगर व चौराहा व विविध वार्डात रोड शो करत टीमने मते मागितली. एमआयएमचे औरंगाबाद जिल्हाध्यक्ष समीर साजिद बिल्डर, शहराध्यक्ष शारेक नक्शबंदी व माजी नगरसेवक जमीर अहेमद कादरी, मीर हिदायत अली, हाजी इसाक खान, निसार कादरी, एम.एम.शेख, शेख इर्शाद, शकील पटेल, जावेद खान, अजहर पटेल, अतिक अहेमद, वजाहत मोबीन यांनी एमआयएम च्या उमेदवाराला प्रचारात आघाडी मिळवून दिली आहे.