पडेगावात राहते घर पडताना बघितल्यावर कुटुंबाच्या डोळ्यात अश्रू, आज 585 अतिक्रमण जमीनदोस्त...

पडेगाव ते मिटमिटा रोडवर 585 बांधकामे निष्कासित...घर पडताना बघितल्यावर कुटुंबातील सर्व सदस्यांच्या डोळ्यात आले अश्रू, रहीवाशी घरांना मुदत वाढवून द्यायची असती तर नोटीस न देता अतिक्रमण काढले. जमीनीचा मोबदला मिळाला आहे का अशी चर्चा कार्यवाही दरम्यान सुरु होती तर काही बाधितांनी स्वतःहुन अतिक्रमणे काढली...

छत्रपती संभाजिनगर (औरंगाबाद), दि.3(डि-24 न्यूज)

महानगरपालिका आयुक्त तथा प्रशासक जी श्रीकांत यांच्या आदेशानुसार आणि नियंत्रण अधिकारी अतिक्रमण विभाग संतोष वाहुळे यांच्या उपस्थितीत पडेगाव ते मिटमिटा मनपा शाळा दरम्यान केलेल्या कारवाईत एकूण 585 एवढी पक्की आणि कच्ची बांधकामे ज्यामध्ये हॅाटेल, लॅाज, दुकाने, शेड, कंपाऊंड, ओटे, गॅरेज, वॅाशिंग सेंटर, कमान, जाहिरात फलक,इ. निष्कासित करण्यात आले.

सदर कारवाई मध्ये महानगरपालिकेच्या 350 अधिकारी व कर्मचाऱ्यांचा तर पोलीस विभागाचे 250 अधिकारी व कर्मचाऱ्यांचा समावेश होता.

या कारवाईसाठी 30 जेसीबी, 8 पोकलॅन, 15 टिप्पर, 2 रूग्णवाहिका, 2 कोंडवाडा वाहने, 2 अग्निशमन बंब, 5 इलेक्ट्रिक हायड्रॅालीक वाहने इ. वाहनांचा समावेश होता.

सदरील कारवाई मध्ये नगररचना विभागाचे उप संचालक मनोज गर्जे, कार्यकारी अभियंता (यांञिकी) अमोल कुलकर्णी, पोलीस सहायक आयुक्त रणजीत पाटील, अतिक्रमण उपायुक्त सविता सोनवणे, सहाय्यक आयुक्त अर्जून गिराम, प्राजक्ता वंजारी, अर्चना राजपूत, रमेश मोरे, संजय सुरडकर, अशोक गिरी, समीउल्लाह, भारत बिरारे, राहूल जाधव, नईम अन्सारी व इमारत निरीक्षक कुणाल भोसले, शिवम घोडके, सागर श्रेष्ठ, तृप्ती जाधव, सय्यद जमशेद, सय्यद मजहर अली, नगररचना विभागाचे सौरभ साळवे, सूरज संवडकर, राहूल मालखेडे, शिवाजी लोखंडे व नागरी मित्र पथकाचे प्रमोद जाधव सहभागी होते.

उद्या मनपा हद्द ते पडेगाव रोडवर कारवाई...

आज दि. 03 जुलै रोजी पडेगाव ते मिटमिटा या रोडवर अतिक्रमण निर्मूलन कारवाईत एकूण 585 कच्ची व पक्की बांधकामे पाडण्यात अली. सदरील कारवाई उद्या दिनांक 04 जुलै रोजी देखील सुरू राहणार आहे.

 उद्या सदरील कारवाई विरुद्ध दिशेने शरणापुर फाटा मनपा हद्दीपासून पडेगाव पर्यंत हाती घेण्यात येणार आहे, अशी माहिती नियंत्रण अधिकारी अतिक्रमण विभाग, संतोष वाहुळे यांनी दिली आहे.