पदवीधर मतदारसंघाच्या मतदार नोंदणीसाठी नमूना -18 च्या अर्जावर कार्यवाही करण्याच्या कालावधीत वाढ...

पदवीधर मतदारसंघाच्या मतदार नोंदणीसाठी नमून-18 च्या अर्जावर कार्यवाही करण्याच्या कालावधीत वाढ...

छत्रपती संभाजीनगर (औरंगाबाद), दि.14(डि-24 न्यूज):- उप सचिव व सह मुख्य निवडणूक अधिकारी महाराष्ट्र राज्य यांचे 14 नोव्हेंबर, 2025 पत्रान्वये पदवीधर मतदारसंघाच्या मतदार नोंदणीसाठी नमून-18 च्या अर्जावर कार्यवाही करण्यासाठी तारीख वाढवून दिली असून सुधारित कार्यक्रम जाहिर केला आहे. 

हस्तलिखीते तयार करणे व प्रारुप मतदार याद्यांची छपाई दिनांक 28 नोव्हेंबर, 2025, प्रारुप मतदार याद्यांची प्रसिध्दी दिनांक 3 डिसेंबर, 2025, दावे व हरकती स्विकारण्याचा कालावधी दिनांक 3 ते 18 डिसेंबर, 2025, दावे व हरकती निकाली काढण्याचा दिनांक व पुरवणी यादी तयार करणे व छपाई करणे दिनांक 5 जानेवारी, 2026, मतदार यादीची अंतिम प्रसिध्दी दिनांक 12 जानेवारी, 2026 असा केला असल्याचे मतदार नोंदणी अधिकारी 5-औरंगाबाद विभाग पदवीधर मतदारसंघ जितेंद्र पापळकर यांनी प्रसिद्धीपत्रकान्वये कळविले आहे.