अजित पवार गटाला धक्का, पैठणचे तालूका अध्यक्षांनी बांधले शिवबंधन

अजित पवार गटाचे पैठण तालुकाध्यक्ष विजय चव्हाण यांचा शिवसेनेत जाहिर प्रवेश...

शिवसेना नेते तथा विरोधी पक्षनेते अंबादास दानवे यांच्या हस्ते बांधले शिवबंधन...

छत्रपती संभाजीनगर(औरंगाबाद ), दि.11(डि-24 न्यूज) राष्ट्रवादी काँग्रेस अजित पवार गटाचे पैठण तालुका अध्यक्ष श्री. विजय अंबादास चव्हाण यांनी सोमवार, ता. 11 नोव्हेंबर रोजी शिवसेना उद्धव बाळासाहेब ठाकरे पक्षात जाहिर प्रवेश केला. शिवसेना नेते तथा विरोधी पक्षनेते अंबादास दानवे यांच्या हस्ते त्यांनी संभाजीनगरात शिवबंधन बांधले. 

विजय चव्हाण यांच्यासह ग्रामपंचायत सदस्य महेमूद शहा, अविनाश राठोड, राष्ट्रवादी युवक काँग्रेस तालुका उपाध्यक्ष अजय राठोड, संजय पवार, अख्तर शेख व ऑफिस इनामदार यांनीही अजित पवार गटाला राम राम करत पक्षप्रमुख उद्धव ठाकरे यांचे नेतृत्व स्वीकारले. 

विधानसभा निवडणुकीचा प्रचार आता अंतिम टप्प्याकडे आला आहे. पुढील काही दिवसांमध्येच विद्यमान विधानसभा निवडणुकीसाठी मतदान होईल. मात्र अशी परिस्थिती असली तरीही पैठण विधानसभा मतदारसंघातून बलाढ्य धनशक्तीला पराभूत करून शिवसेना ( उद्धव बाळासाहेब ठाकरे ) पक्षाचे उमेदवार दत्ता गोर्डे यांच्या प्रचारार्थ मतदारांच्या भेटीगाठीस तातडीने लागणार, असल्याची ग्वाही यावेळी विजय चव्हाण यांनी दिली. 

याप्रसंगी उपजिल्हाप्रमुख अशोक शिंदे, तालुकाप्रमुख आनंद भालेकर, तालुका संघटक सोमनाथ जाधव, मुरली चौधरी, पैठण संपर्कप्रमुख मंगेश दळवी व शहर संघटक सचिन तायडे उपस्थि

त होते.